Eguneko argazki bat
Konstanz (Alemania)
Arrain bat guri begira gelditu da. Gure gogoetez ariko al da hausnartzen? Zainduko al du ezer menazagarri ez dugula egiten? Animaliok ez dirudite honelako pentsamodeak izateko kapazak, baina batek daki? Inor galdetu ahal izan die?
Konstanz (Alemania)
Akuario baten urontziaren argi eta itzalen artean igeri egiten dute arrain hauek. Bere bizitoki naturaletan eguzki argia ez zuten bere indar osoarekin jasoko. Berezkoa dute, ziurrenik, honelako egoeratan bizitzea.
Konstanz (Alemania)
Arrain multzo honetan lasaitasuna da nagusi. Ohitutak daude bata bestearen ondoan egotera eta denak kristal baten bestaldeko izaki arraroei so daude.
Konstanz (Alemania)
Arrain bat bere bizitokian dabil hara eta hona. Lekua arrunta iruditzen zaio, pareten artean bilduta dagoela konturatzen den arte. Gainera, paretetako bat beirazkoa da eta hormaren beste aldean gizakiak, bata bestearen atzetik, agertzen dira, atseden gabe. Eskerrak gauez beraien etxera doazela eta gu lasaitasun pixka bat izan dezakegula.
Konstanz (Alemania)
Hara! Zer animalia mota da hau? Marrazoa ematen du, baina biboteak dauzka! Eskerrak ematekoa da, honelako arrainak ikusi ahal izatea. Bestela, lehorreko pertsonok ez genituzke inoiz honelako izakirik ikusiko.
Konstanz (Alemania)
Arrain talde hau ondo konpontzera behartuta dago akuario barruan bizi behar badute. Honi esker ikus ditzazkegu mota desberdinetako animaliak gure etxe ondoan. Baina gustatuko al zaie elkarrekin egotea? Itsasoan aske bizi ezkero ere osatuko al zuten taldea?
Konstanz (Alemania)
Zer egiten du mendi ahuntz baten garezurrak urazpian akuario batean? Apaintzeko beharrak puntu honetaraino eramaten ditu lekuko arduradunak. Arrainek behintzat ez dute arazo izango berarekin. Ezkutaleku edo atsedenleku berri bat besterik ez da.
Seealpsee (Suitza)
Urrebotoi lore txikia da. Ezereza ematen du zelai zabalen erdian. Hala ere, gauza niminoak ere maitagarriak izan daitezke. Hutsunea utziko lukete egongo ez balira.
Seealpsee (Suitza)
Zuhaitz honena egin dute. Ez da udaberri gehiagotan haziko. Ez ditu hosto berde berriak sortuko. Ez du itzalik sortuko eta animaliek ez dute habia egiteko erabiliko. Beste motako animaliek, berriz, bere hondarretan bazkatuko dira.
Seealpsee (Suitza)
Orain dela gutxi ebakitako enborren azken arrastoak gelditzen dira. Basoari egindako zauriak ezin dira erabat ezkutatu. Hark badauka egindakoaren memoria, hala nola egindakoaren eragina nozitzen duten beste izaki bizidunek.
Seealpsee (Suitza)
Harkaitzen azal zimurrak eta forma biribilduek begietara jotzen dute. Aurpegi zahar bat edo denbora luzean zehar mimoz landutako eskultura ematen du.
Seealpsee (Suitza)
Leku arruntenek ere bere magia gordetzen dute. Belardi bat landare txiki multzo uniformea izan beharrean, belar nahasketak, loreek eta zoruaren irregulartasunak elkarrekin argi eta itzaletako mosaikoa sortzen dute.
Seealpsee (Suitza)
Natura oparoa protagonista da hemen. Egunerokoan ez da ohikoa leku basatiak ezagutzea. Horrelako bat da hau. Arbola handiak eta txikiak, gazteak eta zaharrak nahasten dira sastrakekin eta belarrekin.
Seealpsee (Suitza)
Loreak eta belarrak indartsu hazten ari dira udaberri hasiera honetan. Hotzak eta elurrak utzitako zauriak joanak dira eta bizidunek galdutako protagonismoa berreskuratu dute.
Seealpsee (Suitza)
Mendialdeak badauzka erakargarritasun handia bisitariontzat. Ez dugu bertan bizi nahi, ziur. Baina lekuaren handitasuna eta inguruaren ikuspegi zabalak gure barneak arintzen ditu. Horrelako sentimenduen bila hurbiltzen gara gure inguruko harrizko erraldoien ingurura.
Seealpsee (Suitza)
Txikori lore talde batean, bat prest dago bere hazia hegaz egiten uzteko. Hitzez hitz, hegaz egiten uzteko, horrela egingo bait dute bere bidea. Inguruan sakabanatuko dira eta hurrengo belaunaldia hasiko dute.
Seealpsee (Suitza)
Belarra zein loreak indartsu hazi dira negua bukatu zenetik. Itxuraldatu da natura urtaro hotzeneko apaltasunetik oraingo oparotasunera.
Seealpsee (Suitza)
Espazioko irudia al da? Galaxia bat al da irudi erdiko argiunea? Ez da, baina astro batek betetzen du argiz irudia. Edo bere isladak, behar bezala esatearren. Ur gainazalean flotatzen duen polen hautsaren artetik nabarmentzen den zeruko argi bolaren islada da.
Seealpsee (Suitza)
Ura eta polena nahasten dira aintziraren bazterrean. Harri eta adaxken artetik inguruko arbolen ernaltzeko hautsa metatzen doa. Hemen metatutakoak ez du bere helburua beteko. Lakuaren hondoan metatzen bukatuko du edo animaliren batek janean bihurtuko da.
Seealpsee (Suitza)
Ura zikindu du zerbaitek. Mendi aintzira bat zerk lohitu dezake? Udaberriko polena! Inguruko pinuek bere hazia zabaltzen ari dira eta.